تصليح و ارشادات فى عالم السياراتتعلم صيانة السيارات

طريقة ظبط اضائة السياره

بسم الله

نور السياره من اهم اجزائها وبخاصه فى القياده ليلا الرؤيه الغير كافيه ليلا من اهم اسباب الحوادث ( ربنا يحفظكم جميعا )
وكتير منا بيشتكى دايما من ضعف اضائة سيارته وكمان بيحاول انه يحل المشكله دى بلمبات ذات وات اعلى وكتاوت خارجى او حتى بيركب زينون وتظل المشكله قائمه

فى موضوعنا انهارده بأذن الله هنتكلم عن ازاى نخلى نور العربيه بالليل قوى بالدرجه الكافيه لأنارة الطريق امامنا

لو فوانيسك معتمه او العاكس بتاعها مأكسد مش هتنور كويس مهما ركبت لمبات قويه
طب والحل ؟

اضائة السياره بتعتمد على 3 اجزاء مهمين جدا

رقم 1 ( الفوانيس )
اللى فوانيسه وشها معتم او مجرح ولاكن العاكس الداخلى سليم

ويحط كمية معجون مناسبه ونبدأ فى دعك الوش بحركه دائريه
بعد فتره الوش هينضف وهيبيض
طيب لو الوش بايظ او معتم اوى اوالعاكس مأكسد يعمل ايه ؟
هيجيب طقم فوانيس امامى جديد ولو حتى ديبو تايوان هيفرقوا كتير جدا فى الأضائه
حتى لو تايون !
هتقولولى طيب بس الفوانيس اللى مش اصلى نورها مش مظبوط على الطريق
هقولك ركب بس وهنظبطها مع بعض

نيجى بقى للجزء التانى

رقم 2 ( اللمبات )

عن تجربه فى فى السوق 3 انواع لمبات ممتازه

1 جنرال اليكترك
2 اوسرام ( نيت برايكر )
3 فيليبس ( اكستريم فيجن )

كل دول لمباتهم بتدى اضائه ضعف اللمبات العاديه ونفس الوات
هنبعد تماما عن اللمبات اللى بتدى اضائه زرقاء

طيب هنركب كتاوت ؟
لو عربيتك قديمه والضفيره تعبانه يفضل تركب كتاوت خارجى

طيب لو العربيه جديده ؟
يبقى متركبش كتاوت لأن اللمبات دى ميزتها انها بنفس وات لمبات المصنع ولاكن بضعف كمية الأضائه

خلصنا اللمبات

هنيجى بقى لرقم 3 اللى هو اساس موضوعنا

3 ظبط نور الفوانيس

اى فانوس ليه 2 مسمار رجلاش
1 رجلاش لفوق وتحت
2 رجلاش يمين وشمال

هنجيب العربيه فى مكان معتم تماما جراج او بالليل فى شارع معتم ولوحدك كاوتش العربيه امامى وخلفى مظبوط 32 هنوقف العربيه مقابله لحائط عموديه عليه وعلى بعد 3 متر منه هنعلم نقطه بقلم على منتصف وش الفانوسين بالظبط

وهنقيس من النقطه دى للأرض وهنقيس بعد النقطتين عن بعض ونروح على الحائط ونعلم نفس النقطتين دول بنفس الأبعاد هنفتح النور الواطى ونفتح كابوت العربيه

كده احنا ظبطنا نور العربيه
اخرج على الطريق بقى واتفرج وادعيلى

هنظبط من مسمار التحكم فوق وتحت لحد ما نخلى فاصل علام النور من الظلام تحت النقطه بالظبط للفانوسين ونظبط من مسمار يمين وشمال لحد ما ما نظبط سنتر نور الفانوس على الحائط على سنتر النقطه المقابله ليه اقفل الكابوت

ولو نال الموضوع رضاكم ارجو ان لا تنسونى من صالح دعائكم وطبعا تسجلوا اعجابكم بالموضوع والصفحه
وتشيروا الموضوع على صفحاتكم والجروبات المتخصصه

اظهر المزيد

عصام غنايم

I am Esam Ghanayem presenter and owner of the car lovers group for cars Media انا عصام غنايم مقدم برنامج ومالك مجموعة عشاق السيارات لميديا السيارات

مقالات ذات صلة

تعليق واحد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق