Warning: A non-numeric value encountered in /home/esam/public_html/wp-content/plugins/wp-geo-website-protection/geo.check.php on line 429

Warning: A non-numeric value encountered in /home/esam/public_html/wp-content/plugins/wp-geo-website-protection/geo.check.php on line 429

Warning: A non-numeric value encountered in /home/esam/public_html/wp-content/plugins/wp-geo-website-protection/geo.check.php on line 429

Warning: A non-numeric value encountered in /home/esam/public_html/wp-content/plugins/wp-geo-website-protection/geo.check.php on line 429

Warning: A non-numeric value encountered in /home/esam/public_html/wp-content/plugins/wp-geo-website-protection/geo.check.php on line 429

Warning: A non-numeric value encountered in /home/esam/public_html/wp-content/plugins/wp-geo-website-protection/geo.check.php on line 429

Warning: A non-numeric value encountered in /home/esam/public_html/wp-content/plugins/wp-geo-website-protection/geo.check.php on line 429

Warning: A non-numeric value encountered in /home/esam/public_html/wp-content/plugins/wp-geo-website-protection/geo.check.php on line 429
دورة تبريد السياره – عصام غنايم
تعلم صيانة السيارات

دورة تبريد السياره

الوصف والصيانه

بسم الله


نبدأ دورة تبريد العربيه من الاجزاء المهمه اوى للمحافظه على الموتور بحاله جيده حيث انه للحصول على افضل اداء من المحرك لابد من توفير درجة حرارة تشغيل مناسبه ( الحراره الزياده تسبب تلف كبير للموتور وملحقاته والحراره المنخفضه تضر ايضا وتسبب زياده كبيره فى استهلاك البنزين )

ذلك كانت دورة تبريد الموتور تنقسم الى نوعين

تبريد بالهواء زى البيتلز والفيات 126

تبريد بالماء زى كل العربيات الحديثه

ودى اللى هنتكلم عليها انهارده فى موضوعنا بأذن الله

دورة التبريد بالماء فى العربيه تتكون من ( ريداتير و مروحة الريداتير ومواسير المياه و طرمبة المياه و قربة المياه وطبعاٌ سائل التبريد اللى هو المياه المقطره مخلوطه بنسبه من الايثلين جليكول )

يعنى ايه ايثلين جليكول ؟؟؟

مادة ايثيلين جليكول هي مادة كيميائية وهي مادة سامه تستخدم كمذيب قوي في بعض الصناعات كما أنها تستخدم كمانع لتجمد مياه تبريد السيارات وايضا لرفع درجة غليان الماء بحسب نسبة الخليط مع الماء

علشان نحافظ على دورة التبريد دى بكل مشتملاتها لازم نغير الميه بتاعت التبريد دى مره كل 40000 كيلو او كل سنتين بحد اقصى

( يا ريت لو قبل كده )

ليه بنغير الميه ومبنزودهاش وخلاص ؟

لان طبيعة الميه وتركيبها وبالتالى قيامها بوظيفتها وهى التبريد بتختلف مع الوقت
تخيل انك بتغلى شوية ميه فى الومنيوم وبلاستيك وبتبردهم كل يوم 10 مرات لمدة سنه تخيل هيبقى شكلهم ايه ؟ )

الميه المفروض لونها اخضر من غامق الى فاتح فسفورى بحسب نسبة الخليط
مع الاستخدام الطويل بتفقد خواصها ولونها وبتتحول الى الابيض الكريمى او ( البنى بدرجاته لو فى صدأ فى الدوره )
نسبة خليط الماء الى الاثيلين جليكول 50% بحسب كلام الكاتلوج
وطبعا مفيش ميه فى السوق بالنسبه دى
فى انواع ميه كتير فى السوق ( امريكى , اسبانى , سعودى , مصرى , بير السلم )
وبنسب تركيز مختلفه واكترها غير مضمون

cmx16_pg_011_ext_full

اقرب ميه الى النسبه دى ومضمونه هى الموبيل وتركيزها 33% بتتباع فى بنزينات موبيل الجركن 4 لتر ودى تنفع للعربيات الزيرو اللى بتغير بالميه الخضراء على طول يعنى اللى مشفتش مية الحنفيه
اما بقى اى عربيه لخبطت وحطت مية حنفيه او اى عربيه دورة الميه بتاعتها فيها صدأ ولونها بنى فمتقربلهاش وعلاجها الميه ( الايديا ) الاسبانى لان تركيزها منخفض اوى

cmx16_pg_007_ext_full

هنبدأ جزء الصيانه وهنغيير الميه مع بعض دلوقتى

هنطبق الموضوع على عربيه لانوس ( مع العلم ان اغلب العربيات تطابق فى منظومات تبريدها )
هنفتح كبوت العربيه والعربيه بارده ونقف قدام العربيه ونبص على اسفل الريداتير من الناحيه اليمين هنلاقى ماسورة التبريد الكاوتش السوداء خارجه من ناحية الريداتير الخاصه بالماء البارد.

هنركز تحته هنلاقى عصفوره سوداء صغيره او ( الجزره ) ودى الخاصه بأفراغ دورة المياه من اوطى نقطه

cmx16_pg_004_ext_full

هنبداء نفكها بشويش بعكس اتجاه عقارب الساعه
بس مش هنفكها خالص هنهويها شويه بس
نقفل الكبوت وندور العربيه لحد ما مروحة الريداتير تدور هنزود بنزين كام مره كده جامد علشان نحرك اى رواسب راكزه فى دورة التبريد

وبعدين نطفى العربيه
نلف ايدنا ببطانه تقيله ونفتح غطاء القربه بشويش شويه ونسيبه شويه ونسيبه لحد ما ينفس الضغط اللى جواه وبعدين نفتحه خالص ونشيله جوه العربيه علشان ميضعش منك

نمد ايدنا وهى ملفوفه بالبطانه او بفوطه وبرده نفك الجزره سنه سنه وايدنا لفوق علشان لما تنزل الميه متحرقش ايدك لحد ما تشيلها خالص وبرد تعينه فى العربيه علشان متضيعش منك

الميه بتاعت الدوره كلها هتنزل على الارض وطبعا متخليهاش تلمس ايدك وبرده متنزلهاش جوه بلاعه او على زرع لانها ماده سامه فحافظ على بيئتك ومتضرش حد ( طبعا لاننا عارفين ان ميه المجارى دايماٌ مخلوطه بماء الشرب ) ههههههههههه

هننفخ فى زور القربه من فوق بأى بلاور علشان ننزل الميه الموجوده فى قلب المحرك كده الميه نزلت هنفك القربه من العربيه خالص ونطلعها بره لاننا هنلاقيها مليانه ترسيبات طالعه من قلب الموتور على كل لون

طيب نفكها ازاى ؟

 

 

هنجيب بنسه ونمسك الافيز الحديد اللى ماسك على كل ماسوره من الثلاثة مواسير اللى متوصلين بالقربه ونشد لورا مع قفل البنسه علشان نفتح الافيز ونخلع الثلاث مواسير بهدوء

هنفك الصامولتين اللى ماسكين القربه ببيبه عشره

ونعين الصامولتين

نرفع القربه لفوق بكده القربه بقت فى ايدك نضف بقى قلبها يا معلم انا عن نفسى نضفتها بماء مضغوط وفرشة سنان
المهم على مخلعناها ونضفناها العربيه اكيد بردت

هنبتدى نركبها بعكس خطوات الفك ركبناها خلاص وركبنا المواسير
هنقفل الجزره مكانها تانى ونربطها كويس علشان متسربش

هنفتح جركن الميه الخضراء ونحط مياه فى القربه بشويش اوى علشان ندى فرصه للميه تمشى فى قلب الموتور وميخدشى هواء بعد ما نحط تقريبا نص الجركن هندور العربيه وغطا القربه مفتوح ونزود ميه حبه حبه لحد ما نوصل لعلامة MAX ونزود بنزين والغطاء مفتوح

cmx16_pg_009_ext_full

نقفل الغطاء كويس وناخد بالعربيه مشوار وبعدين نبص على الميه لما نبطل نقصت ولا لآ ونبص على الجزره بتسرب ولا لآ

اطمنا على كل حاجه كده تمام الف هنا وشفا يا جميل شوية ملحوظات بقى

كمية الميه المفروض تبقى 7 لتر ولاكن ده فى حالة انك فضيت الموتور خالص يعنى نشفته وده مش ممكن الا فى حالة العمره لاقدر الله بالطريقه بتاعتى هتستخدم تقريبا 3.5 لتر يعنى هيتفضل معاك شويه تزود بيهم

المفروض اننا بنعمل تغيير مية التبريد كل 40000 ولاكن انا افضل كل 20000 الف او كل سنه افضل بالنسبه للعربيات القديمه واللى بتستخدم مية حنفيه فدى ليها طريقه تانيه خالص وموضوع خاص بيها كده خلصنا دورة التبريد

ولو نال الموضوع رضاكم ارجو ان لا تنسونى من صالح دعائكم وطبعا تسجلوا اعجابكم بالموضوع والصفحه
وتشيروا الموضوع على صفحاتكم والجروبات المتخصصه

ارجو ان اكون افدتكم و تقبلوا تحياتى
اخوكم
عصام غنايم
https://www.facebook.com/esamghanayem

للأستفسارات والأسئله زورونا هنا
https://www.facebook.com/groups/784639441630398/

لمشاهدة شروحات عن جميع اعمال الصيانه وكل ما يخص السيارات صوت وصوره يرجى متابعة قناتنا على اليوتيوب من هنا
https://www.youtube.com/channel/UCvejmf3XCqrv0kjFZ_EmSsA

اظهر المزيد

عصام غنايم

I am Esam Ghanayem presenter and owner of the car lovers group for cars Media انا عصام غنايم مقدم برنامج ومالك مجموعة عشاق السيارات لميديا السيارات

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق