تصليح و ارشادات فى عالم السياراتتوفير الوقود

10 نصائح ذهبيه لتوفير البنزين فى العربيه

كلنا بلا استثناء نبحث عن اى طريقه لتوفير البنزين بسيارتنا لتوفير نفقاتنا عليه وفى اثناء هذا البحث سوف نقابل افكار ونصائح مفيده وحقيقيه واخرى مضره و وهميه
تعرضنا فى مقالنا بالعدد السابق لإحدى هذه الأفكار وهى ( الخلايا الهيدروجينيه ) وتعرفنا سويا عليها وعلى مميزاتها وعيوبها

لذلك سوف نتعرف سويا فى مقالنا اليوم على كل النصائح والأفكار ( الفعاله والمجربه ) لتوفير البنزين من غير ( ما ندفع ولا مليم )

طيب اعرف منين نوع البنزين المناسب لموتور سيارتى ؟؟؟

 1 اختيار نوع البنزين

عندما تمون سيارتك بنزين 95 وموتورك يستطيع العمل ببنزين 80 فذلك هدر للمال بدون اى جدوى اقتصاديه

الموضوع علميا يرجع لمبدأ نسب انضغاط الموتور ( لا يسع المجال لذكرها الآن ) ولكن سريعا وبكل بساطه
لو سيارتك موديل قديم كربراتير ( ماروتى , بيجو 504 , فيات 128 ) فمون بنزين 80 مع ظبطه بسيطه ل ( الكرباتير والأسبراتير )
لو سيارتك موديل متوسط التكنولوجيا ( لانوس , فيرنا , لانسر بومه ) مون 92
لو سيارتك موديل حديث وخاصه لو موتورك تيربو ( مرسيدس , BMW , بورش ) مون 95 واستخدم رافع اوكتان كمان لو تقدر

2 الإنتظام فى صيانات السياره

تعرف ان فلتر هواء قديم مكتوم بالأتربه ممكن يزود استهلاك السياره بنسبه تصل ل 20% !!
طيب تعرف ان بوجيهات بايظه ممكن تزود الأستهلاك بنفس النسبه !!
طيب بلاش كل ما سبق تتخيل ان ضغط الهواء بكاوتش السياره لو اقل من الطبيعى ( الكاوتش مريح ) ممكن يزود الأستهلاك بنسبة 5% !!
وقيس بقى على كده لو الفرامل فيها مشكله ( قافشه ) او زوايا السياره مش مظبوطه او الخ …
اذن الأنتظام فى مواعيد صيانة السياره من اهم عوامل توفير البنزين

3 تسخين السياره

السيارات الحديثه تحتاج من 30 ثانيه الى دقيقه فقط لتسخينها اما القديمه فتحتاج من دقيقه الى دقيقتين فقط ثم التحرك الهادى لمدة 3 دقائق
اما تسخين السياره لفترات طويله فهو هدر للبنزين والنقود بدون داعى

4الوقوف فى الأشارات

اطفى موتور السياره وانت واقف فى الأشاره حيث ان ( تدوير الموتور يستهلك بنزين بمقدار 30 ثانيه وقوف فقط )
لذلك السيارات الحديثه بها خاصيه تسمى ( stop-start system ) تستخدم نفس الفكره ولكن بطريقه اوتوماتيكيه

5 التكييف

التكييف من اكتر الأحمال التى تزيد استهلاك الوقود بالسياره لذلك قلل من استخدامه قدر المستطاع
وقبل تشغيله افتح الزجاج لأخراج الهواء الساخن اولا

6 التسارع المفاجئ وال kick down

تجنب قدر المستطاع التسارع المفاجئ وتسقيط النقلات ورفع RPM السياره لفوق ال 3 آلاف دوره ( هام جدا )

7 الكبارى والمرتفعات

وانت طالع كوبرى او مرتفع خليك على الغيار التانى او التالت ( غيارات العزم ) وانت نازل من على الكوبرى شيل رجلك من على البنزين نهائى ( فكره جامده )

دى كانت ال 10 نصائح الذهبيه لتوفير البنزين فى العربيه اللى لو التزمت بيها صدقنى هتلاقى توفير عمرك ما شاهدته من سيارتك ابدا

8 السرعه القصوى

حاول ان لا تتخطى رينج ال 120 كيلو كسرعه قصوى على الغيار الخامس لتحقيق اكبر توفير للوقود

9 مون سيارتك فى الصباح الباكر فقط

النزين من السوائل شديدة التطاير والتأثر بالحراره لذلك تجنب تموين السياره فى درجات الحراره المرتفعه
لسببين
A ( البنزين هيكون متمدد فى الخزانات بفعل الحراره ) وهتحاسب على كميه اكتر من اللى اخدتها فعليا
B بفعل درجات الحراره العاليه البنزين هيطير منه جزء كبير من تانك السياره والعامل بيمون اصلا ( تستطيع ان تشاهد هذا التطاير بنفسك لو نظرت جانبيا للسياره اثناء التموين )

10 تجنب حمل اى اشياء غير ضروريه بالسياره

اى وزن زائد بالسياره هو عامل من عومل زيادة استهلاك الوقود ويكفيك ان تعرف ان كل 100 كيلو وزن اضافى بالسياره بيزود الأستهلاك تقريبا 1 لتر لكل 100 كيلو مسافه مقطوعه

لو عندك اى استفسارات او حابب تشاهد تقييمات لكل السيارات الحديثه بالسوق المصرى اشترك بقناتنا على اليوتيوب ( عشاق السيارات مع عصام غنايم )
دمتم سالمين
م/ عصام غنايم

اظهر المزيد

عصام غنايم

I am Esam Ghanayem presenter and owner of the car lovers group for cars Media انا عصام غنايم مقدم برنامج ومالك مجموعة عشاق السيارات لميديا السيارات

مقالات ذات صلة

تعليق واحد

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق